Deklarata e Parisit
Shqipëria ka miratuar Deklaratën e Parisit mbi Efikasitetin e Ndihmës. Qeveria është e angazhuar të udhëheqë përparimin drejt veprimeve prioritare të identifikuara, duke marrë parasysh rekomandimet e Raportit analitik 2008 mbi Monitorimin, Deklaratën e Parisit dhe Agjendën e Accra-s për Veprim. Harmonizimi i Planit të Veprimit në arritjen e objektivave të Deklaratës së Parisit mbi efikasitetin e Ndihmës në Shqipëri po përgatitet bashkërisht nga DEBASKON-i dhe nga Sekretariati Teknik i Donatorëve (STD). DEBASKON-i vepron si një pikë kontakti për analizimin e OECD/DAC bazuar në Deklaratën Parisit. Analizat e 2006-ës dhe të 2008-ës u realizuan me sukses nga Qeveria e Shqipërisë (Koordinatorët Kombëtarë) në bashkëpunim të ngushtë me Sekretariatin Teknik të Donatorëve (Pikë kyçe e Donatorëve).
Plani i Veprimit per Harmonizim(PVH)
Publikuar në nëntor 2009, PVH-ja është një dokument i përgatitur nga DEBASKON në bashkëpunim me STD, që përfshin një analizë të thellë të situatës në vend, në kontekstin e zbatimit të Deklaratës së Parisit dhe përcakton veprimet praktike që duhen ndjekur për të arritur përmirësime të konsiderueshme në efektivitetin e ndihmës së huaj.
Shkarko Dokumentin
|
