Fondi i Besimit i SPI-së

Në mënyrë që procesi SPI, metodologjia dhe produktet e tij të kuptohen dhe të zbatohen sa më mirë në të gjitha hallkat e qeverisë, është krijuar një Fond Besimi i SPI-së me angazhime nga donatorë të ndryshëm dhe nga i cili mund të përfitojnë të gjitha ministritë e linjës. Fondi i Besimit Multi-donator menaxhohet nga Banka Botërore dhe synon ndërtimin e kapaciteteve mbështetëse për zbatimin e SPI-së.

Ky Fond i Besimit financon disa komponentë të projektuar për të ndërtuar dhe për të forcuar kapacitetet në agjencitë e ndryshme qeveritare për zbatimin e Sistemit të Planifikimit të Integruar duke siguruar zhvillimin në mënyrë të integruar të politikave dhe të proceseve thelbësore financiare të Qeverisë. Këto procese thelbësore janë: Strategjia Kombëtare për Zhvillim dhe Integrim (SKZHI), Programi Buxhetor Afatmesëm (PBA), Integrimi i Marrëveshjes së Stabilizimit dhe Asociimit në Planifikimin Strategjik dhe Procesin e Buxhetimit; dhe forcimi i menaxhimit të Investimeve Publike dhe koordinimit të Donatorëve. Programi ndihmon për të mbështetur zbatimin me efikasitet të parimeve të SPI-së në të gjitha hallkat e qeverisë. Kjo do të realizohet deri në ndërtimin e kapaciteteve të mjaftueshme dhe të qëndrueshme në ministritë e linjës për të marrë pjesë plotësisht në SPI.

Shtyp këtu për të shkarkuar dokumentin e plotë (në gjuhën angleze)