Forumi i Nivelit të Lartë të ACCRA-s mbi Efektivitetin e Ndihmes së Huaj 2-4 shtator 2008

Mbi 1200 përfaqësues të qeverive të vendeve ndihmës-marrëse, institucioneve donatore, fondacioneve, parlamenteve, dhe organizatave të shoqërisë civile mblidhen sot këtu në Forumin e tretë të Nivelit të Lartë (HLF) mbi Efikasitetin e Ndihmës, një konferencë tri-ditore mbi përmirësimin e cilësisë dhe ndikimit të Ndihmës e cila u zhvillua në Accra, Gana nga datat 2 deri më 4 shtator 2008. Delegacioni nga QSH drejtohej nga zëvendësministri i financave z. Sherefedin Shehu. Drejtorja e DEBASKON-it, znj. Albana Vokshi mori pjesë si përfaqësuese e DEBASKON-it.

HLF u organizua në nivel mbledhjesh plenare, me 9 tryeza të rrumbullakëta (mbi 5 dimensionet e Deklaratës së Parisit dhe çështjeve të tjera përkatëse), një treg idesh dhe ngjarjesh anësore. Znj. Vokshi ishte eksperte në tryezën e rrumbullakët mbi Pronësinë. Ajo paraqiti rastin e Shqipërisë dhe përparimin e saj në dimensionin e parë të Deklaratës së Parisit, Pronësia. Një poster me të njëjtën temë u përgatit dhe u fut në tregun e ideve, ku qenë vendosur edhe postera nga vende të ndryshme, si dhe nga organizatat donatore.

HLF përfundoi me miratimin e Marrëveshjes për Veprim të Accra-s (AAA), që rikonfirmon angazhimet e marra në Deklaratën e Parisit dhe në Agjendën për Veprim Accra. Të gjitha palët ranë dakord për veprime konkrete dhe të monitoruara për të përshpejtuar përparimin dhe për t’i përmbushur këto angazhime deri në vitin 2010.

Për të shqyrtuar dokumentet nga Accra HLF, lutemi të vizitoni faqen web: http://www.accrahlf.net/.