Hapet faza e dytë e aplikimit për projektet ORIO
Faza e dytë e aplikimeve për programin ORIO për këtë vit është hapur dhe formulari i aplikimit gjendet tani në faqen e internetit http://www.orio.nl/ . Thirrja për projekte do të mbyllet në 16 nëntor 2009 ora 17:00. Shqipëria kualifikohet për progragim ORIO dhe sektorët prioritarë këtë fazë janë:
- Uji/Menaxhimi i ujit
- Mjedisi
- Energjia dhe
- Transporti detar
ORIO, i financuar nga Ministria Hollandeze e Bashkëpunimit për Zhvillim, mbështet qeveritë në vendet në zhvillim që të përfundojë projektet në bashkëpunim edhe me biznesin ndërkombëtar. Përveç mungesës së burimeve, vendet në zhvillim shpesh vuajnë nga mungesa e eksperiencës në projektet e mëdha që përfshijnë ujin e pijshëm, sistemin e kanalizimeve, mbrojtjen e mjedisit, tranportin, energjinë, projektet e inxhinierisë civile, kujdesin shëndetësor dhe arsimin. ORIO mbulon një pjesë të financimit që u mundëson qeverive lokale blerjen e të mirave materiale, si dhe trajnimin me njohuritë dhe aftësitë e nevojshme. Programi kontribuon në zhvillimin, zbatimin (ndërtimin dhe/ose zgjerimin), operimin dhe mirëmbajtjen e infrastrukturës në vendet në zhvillim. Broshurat janë dërguar dhe mund t’u dërgohen lehtësisht ministrive të linjës. Këto materiale informimi, ku përfshihen rregullat e ORIO-s gjenden edhe tek faqja e internetit të ORIO-s.
