Konferenca e Koordinimit të Donatorëve për Ballkanin Perëndimor dhe Turqinë, 2-3 prill 2009

Qeveria e Shqipërisë dhe Komisioni Europian-Drejtoria e Përgjithshme për Zgjerim organizuan në Tiranë më 2-3 prill 2009, Konferencën e Kordinimit të Donatorëve për Balkanin Perëndimor dhe Turqinë. Konferenca mblodhi së bashku përfaqësues të Institucioneve Financiare Ndërkombëtare, shtete anëtare të BE-së, donatorë nga vende jo anëtare të BE-së, dhe përfaqësues nga vendet e Ballkanit Perëndimor dhe Turqia.

Në konferencën e Koordinimit të Donatorëve të mbajtur në Bruksel më 23-24 tetor 2008 u ra dakord që takime monitoruese të mbahen në mënyrë periodike në rajon dhe Shqipëria ishte i pari vend që organizoi takimin e parë.

Qëllimi i Konferencës ishte të evidentonte progresin e bërë në përmirësimin e koordinimit të donatorëve, shkëmbimin e përvojave më të mira, adresimin e mangësive që mbeten dhe dhënien e rekomandimeve praktike lidhur me përmirësimin e mëtejshëm të koordinimit të donatorëve dhe sigurimin e një shpërndarjeje efektive të detyrave ndërmjet donatorëve. U diskutuan gjithashtu masat konkrete në sektorët e arsimit, mjedisit dhe transportit, të cilat luajnë një rol kyç në zhvillimin ekonomik-social dhe në integrimin Evropian dhe rajonal të Ballkanit Perëndimor dhe Turqisë.

Konferenca u hap nga Drejtori i Përgjithshëm i Zgjerimit, Z. Michael Leigh, së bashku me Kryeministrin e Qeverisë Shqiptare, SH.T.Z Sali Berisha, dhe Ambasadoren e Republikës Çeke në Shqipëri, Sh.S.Znj. Marketa Fialkova

Agenda

Presentations