Seminar i BE-së në Sarajevë mbi Përqasjet Sektoriale

Më 22 -24 mars 2010, Ministria e Financës dhe Thesarit e Bosnjë-Hercegovinës në bashkëpunim me Drejtorinë e Përgjithshme të Zgjerimit në Komisionin Europian organizoi në Sarajevo një seminar mbi Përqasjet Sektoriale. Ky seminar ofroi mundësinë e identifikimit të metodave të punës për formulimin e përqasjes sektoriale dhe për të thelluar njohuritë në aplikimin praktik në kontekstin e vendeve  kandidate për BE dhe përfituese të IPA-s. Seminari synon të ndihmojë në ngritjen e kapaciteteve për zhvillimin e përqasjeve sektoriale në vendet e angazhuara në procesin e integrimit europian. Nëpërmjet sjelljes së përvojave me programet e mëparshme, ku përfshihen edhe ato në rajone të tjera, seminari u fokusua në formulimin e udhëzimeve praktike dhe mjeteve që mund të përdoren nga aktorët dhe përfituesit në rajon.  Seminari u organizua në formën e sesioneve paralele: bazuar në katër tema kryesore: formulimi i përqasjes sektoriale, lidhja e përqasjes sektoriale me objektivat e integrimit në BE, drejtimi i qeverisë në procesin e hartimit dhe zbatimit të përqasjes sektoriale; përshtatja dhe vlerësimi i tyre. DEBASKON, në bashkëpunim me Kooperacionin Italian, Zyrat Austriake dhe Suedeze të Bashkëpunimit në Shqipëri, drejtoi sesionin e tretë në të cilin Znj. Valbona Kuko, Drejtore e DEBASKON prezantoi rolin e Qeverisë dhe mekanizmat e koordinimit në procesin dhe zbatimin e SWAPs, në Shqipëri. Ajo theksoi rëndësinë e SPI-së, i cili është duke u zbatuar në Shqipëri, ku lidhja midis planifikimit dhe PBA-së, mbetet një prioritet i lartë në politikat e Qeverisë për sektorët.  Një tjetër objektiv kryesor ishte diskutimi me pjesëmarrësit në një sesion të veçantë i mekanizmave koordinues në Shqipëri, grupeve sektoriale, iniciativës Fast-Track mbi Ndarjen e Punës(FTI/DoL), Programimi IPA-s dhe Plani i Veprimit për Harmonizim. Në mbyllje u prezantua dhe analizua edhe modeli i vetëm Përqasjes me Bazë Sektoriale i aplikuar në Shqipëri “Programi Cilësi dhe Barazi në Arsim”.

Materialet e kësaj ngjarjeje mund të shkarkohen këtu:

Plenary Session -Closing remarks

Session 1- Report

Session 2- Report

Session 3- Report

Session 4-Report

Sesion 3 (u udhëhoq nga Shqipëria) -Materialet dhe Prezantimet

Presentation by DSDC Director, Valbona KUKO

Presentation by Italian Cooperation, Flavio Lovisolo Presentation by Sida, Britta Olofsson MTEF presentation, Odorado Como ETF presentation, Lida Kita